d'Chriesilöchler


D’ Chriesilöchler ghörid zu de Uurtype vo de Mönschheit. Vor tuusige vo Johr hed sich e Gruppe vo Mönsche im Chriesiloch niedergloh, händ im Wald am Rieteberg ghuuset, sich vermehret, zivilisiert und hütt sind’s scho über 5000.
Mer hed si könnt a ihrne Fäälimäntel us Geissefell. A ihrne struppige Mähne, a ihrem todesküehne Muet und a ihrem gfürchige Uusgseh, grad wien es Rindli, wo 3 Mönet lang uf de Rindliweid verschiffet worde isch.
Jedes Johr im Horner sinds mit Fackle und Chuehörner is Tal abechoo und händ gfäschtet und tanzet und gfiiret und d’ Sou abgloo, e ganzi Woche lang, bis nömm händ möge. Müed und gräderet händ sie sich de wieder is Chriesiloch zruggzoge.
Hütt – weiss niemer meh öppis vo de Chriesilöchler. Mer munklet, dass wohrschinlich im Johr 2005 im Horner en Hordi wieder selli zum Chriesiloch uusechoo und d’ Gägend verunsichere. Sind ihr derby?